2017.12 日本石垣島(Ishigaki) 五天自駕遊

2017.12 日本石垣島(Ishigaki) 五天自駕遊

行程

石垣島面積較细, 自駕遊車程由島的最南面(ANA Hotel)到島的最北面( 平久保崎燈塔)只需一個多小時!

機票

香港直飛石垣島目前只有 HK Express 這間廉航有這條航綫. 逢星期日、一、二、三、五有航班，航程約2小時

	出發	到達
香港 → 石恒島	07:45	10:45
石恒島 → 香港	11:30	13:00

Note: 石恒島快香港一小時

如果有其他讀者和小弟一樣, 第一次坐廉航, 和各位分享一下. 要留意基本機票價格不包括:

1. 行李費 – 正常一定要俾, 除非冇寄艙行李.
   (另行李尺寸有嚴格控制)
2. 劃位費 – 這也避免不了 (不想同老婆一齊坐除外!)
3. 餐飲

就算計上行李費和劃位費, 2人來回費用也只是約HK$3700, 真的比傳統機票便宜!

 

 

洒店

Dec 19-22: ANA Intercontinental – 約HK$8500 四晚 (Corner 房,有两個露臺, 分別面向東南-看日出 和向西南-看日落)

洒店在Tripadvisor排名第一，位置優越，距離石垣島碼頭及公設市場一帶只需10分鐘車程，酒店附近就有大型超市 AEON Maxvalu 及 San A百貨

注意:12月是聖誕假期, 不同入住/退房日期價格可能有很大分别

 

交通

公車路線比較小, 班次又疏落!

Taxi收費也較貴, 網上check 由洒店到機場約15-20分鐘要4千多¥.

如果可以, 强力建議自駕遊 !

 

OTS International 租車

Dec 19-23: Toyota Aqua 1500cc (Hybrid) ¥19440 連 豪華安心包 (Full insurance)

油費: 4曰行咗 262KM, 只需入油一次 : ¥1467 (HK$102.4)

Hybrid車超省油, HK$102.4/262KM = HK$0.39/KM

4天總費用 (租車, 全保, 油錢) : ¥20907 (HK$1463)
每天平均費用: HK$366

Note: 石垣島沒有高速公路, 所以不用ETC! 一般道路車速限制40-50KM,

天氣

下午 6時巳經開始天黑.

Dec 19: 整天下雨.  16-20度.

Dec 20: 天陰. 大風. 微雨. 間中冇雨! 16-20度.

Dec 21: 天晴. 間中天陰. 16-20度.

Dec 22: 超猛太陽. 陽光下估計有30度.

Dec 23: 天晴. 18-24度.

Note: 石垣島紫外線很利害. 就算陰天也一樣. 建議要用防曬膏!

Day 1 (Dec 19)

機場 -> 午餐 -> 石垣市公設市場 -> 琉球之爺(晚餐) -> 洒店

今早07:45機, 要05:15出門, 超眼瞓! 到達石垣島約10:45 (石垣快香港一個鐘), 出機場巳經約12:00. 一出機場, 橫風橫雨, 等到接駁車到OTS租車公司巳經成頭濕哂! 

攞完車巳經13:00. 一於先去超人氣的 '石敢當洒居屋' 吃午飯. 去到才知17:00先開始營業!

巳經下午2時多, 外面又不停下雨. 只好先找地方泊車再找地方醫肚!

在 '石敢當' 附近找時租車位相當困難! 終於找到一個半日租停車場,  
而且用 'Honest System'. 沒有泊車錶, 沒有人管理.
只有一個錢箱寫住 '泊半日自己入¥500落錢箱!'  
我地作為誠實的香港人當然照入錢啦!

泊好車巳經下午三點多, 就近到一間本地食店吃午餐.
兩人食物加飲品多謝¥3K, 不貴, 食物就普通啦.

仲落緊雨! 只好改到公設市場行街買手信.

買完返到酒店check-in巳經17:00. 梳洗一下.
揸車去一間叫 ' 琉球之爺' 吃晚餐. 兩人¥6K, 食物相當不錯!

Day 2 (Dec 20)

玉取崎展望台 -> 平久保崎燈塔 -> 明石食堂 ->

吹通川 -> 川平灣 -> 御神崎燈塔-> 石敢當居洒屋

在洒店吃完美式自助早餐11:15出車, 先去玉取崎展望台, 看看海景.

再到最北的平久保崎燈塔,

下午1:15到達明石食堂 (Trip Advisor #1), 門口有免費車位.
叫咗好味海葡萄和拉麵.

老婆大人叫咗豚骨拉麵, 佢話好好味, 豚骨入口溶化.
小弟叫咗大号雜菜拉麵, 雜菜非常鮮甜, 超超大碗.下次叫中號好了!
埋單¥2.2K, 又平又好吃!

再到吹通川, 原本計劃行下紅樹林, 不過因下雨關係, 發覺入口處巳一片泥濘, 只好放棄!

繼而去川平灣 (日本百景之一), 水質是相當靚, 只可惜太大風又有些凍, 停留了半小時便離開.

下一站去最西面的御神崎燈塔, 這裏境色比所到之其它地方靚. 不過又係超大風.
話雖如此, 這處不宜錯過!

晚飯訂了石敢當居洒屋, 這飯店相當難訂座, 昨天經洒店訂位話最快要今晚才有位!

吃完有些失望, 只可以話便宜, 不能話好好味! 亦可能只係小弟唔讖食!

但如果只計抵食指數, 這食店又真係冇得輸. ¥1500一碟二人份量什錦魚生, 有11種魚生, 仲要係厚切. 不太餓的話, 食這碟魚生都巳經够飽! 埋單連飲品¥3600, 便宜!

食完約20:30回洒店梳洗, 休息.

 

 

 

Day 3 (Dec 21)

白保海岸 -> 八重山民俗村(門口) -> 名藏灣大橋 -> 碼頭餐廳(Sabanisen)午餐 ->

宮良殿內 -> 桃林寺 -> 明藏水霸 -> 晚飯(燒肉)

在洒店吃完日式早餐11:15出車. 先去東面之白保海岸看海岸風光.

再到八重山民俗村, 看見門面偏舊和不太吸引, 決定每人慳返¥1000!

揸車到離鄰之名藏灣大橋, 泊好車行下大橋.

原本想到碼頭一間名店吃五色餃子, 到達時約14:30. 店長話Sorry, 午餐只到14:00!

這食店晚飯訂座要起碼兩天前.

Note: 石垣島很多出名食府午餐只到14:00!

結果去咗碼頭附近一家餐廳Sabanisen午餐, 個雞湯拉麵好好味, 其它普普通通, 多謝¥4000.

午餐後到宮良殿內 (一處古老住宅), 爛屋一間. 又沒有地方泊車, 經過當去過!

再到桃林寺(最古老的木造建築物), 有免費停車場, 泊好車入去行個圈.

誤打誤撞去咗明藏水霸, 又係週圉行下.

之後返洒店小休加吃石垣木瓜. 下午在公設市場街檔買的石垣木瓜相當甜. 好食!

晚飯到新假期介紹之食店吃石垣牛, 一入到店內, 空空如也, 得一檯客. 心唸大鑊!
不過既來之則安之, 照食!

兩公婆, 叫咗一客特级石垣牛(包三種牛的不同部位), 一客燒菇菌, 一客雜菜拉麵. 食完評語係……………….. 相當好食喎. ¥10000左右有咁嘅質數, 不錯!

Day 4

今天天朗氣清, 原本打算遊外島. 可惜小弟感冒. 只可以車老婆大人去血拼. 繼而自己返洒店休息!

因感冒關係,晚餐在洒店食日本餐,  這洒店有三間日本餐廳,

但三間餐廳在同一地點, 一個餐牌可點齊三間餐廳之不同食物.
(Food Court 有這種安排並不出奇, 但三間高級 日本餐廳在同一鋪位真係第一次見!)

叫咗150gram '美崎牛' - ¥19000 再要加15%酒店稅

老婆話無論味度或分量都比不上昨天晚上吃的¥7000一份的石垣牛.

另叫咗 2份不同款式之懷石料理. 懷石料理賣相就相當好看, 不過味道一般.

埋單多謝¥35000. 酒店服務係一流, 不過食物唔多值這價錢!

Day 5

今早11:30機返港, 09:00離開洒店還車.

Note: OTS還車係要經最近機場之油站後面條小路入去! 
如果不在那油站加油, 都幾難見到條小路入口!

石垣離境大堂安排比較混亂, 未到HK Express櫃位前面有一部X光機,  
在排隊前切記要自己先將行李過X光機, 否則就算排到櫃位也會要求你行返轉頭!

另check-in 及 安檢比較慢 (check-in 得2, 3個櫃位, 安檢只有一部機). 最好2小時前到達機場!

再見石垣島. End